അല്ലാഹുവിന് ഏറ്റവും നല്ല പേരുകളുണ്ട്. അതിനാല് ആ പേരുകളില് അവനെ നിങ്ങള് വിളിച്ചുകൊള്ളുക,(41) അവന്റെ പേരുകളില് കൃത്രിമം കാണിക്കുന്നവരെ(42) നിങ്ങള് വിട്ടുകളയുക. അവര് ചെയ്തു വരുന്നതിന്റെ ഫലം അവര്ക്കു വഴിയെ നല്കപ്പെടും
Surah Ayat 180 Tafsir (Commentry)
41) അല്ലാഹുവിൻ്റെ മഹദ്ഗുണങ്ങളെ കുറിക്കുന്ന ധാരാളം വിശേഷണനാമങ്ങള് (ഉദാ: റഹ്മാന്, റഹീം) ഖുര്ആനിലും ഹദീസിലും വന്നിട്ടുണ്ട്. അല്ലാഹുവിന് 99 നാമങ്ങളുണ്ടെന്ന് ഹദീസില് വന്നിട്ടുണ്ടെങ്കിലും വിശിഷ്ട നാമങ്ങളുടെ എണ്ണം ക്ലിപ്തമല്ലെന്നാണ് മറ്റുചില ഹദീസുകളില് നിന്ന് മനസ്സിലാക്കാന് കഴിയുന്നത്. ഈ നാമങ്ങള് എടുത്തുപറഞ്ഞ് അല്ലാഹുവെ പ്രകീര്ത്തിക്കുന്നതും പേരുകള് വിളിച്ച് പ്രാര്ഥിക്കുന്നതും മഹത്തായ പുണ്യകര്മ്മമത്രെ.
42) അല്ലാഹുവിൻ്റെ നാമവിശേഷണങ്ങള് ദുര്വ്യാഖ്യാനം ചെയ്യുന്നതും, ദ്വയാര്ത്ഥമുള്ളതോ ദുസ്സൂചനകള് ഉള്ക്കൊളളുന്നതോ ആയ പേരുകള് അവനെപ്പറ്റി പ്രയോഗിക്കുന്നതും, അവൻ്റെ മഹദ്നാമങ്ങള് മറ്റുള്ളവര്ക്ക് നല്കുന്നതും ഇതില്പ്പെടുന്നു.
Surah Ayat 180 Tafsir (Commentry)